Wurd vörweg
Singen kann he, ganz klor, un vun Deerten versteiht he ok wat. Dat heff ik glieks wüOt, a ik to’n ersten Mal den ”Kraunenschrie” vun Wolfgang Kniep hört heff.
In’n Sommer 1994 heff ik denn bi em anbimmelt. Ik wull em fragen, of he Lust harr, för Radio MV ’n lütte Serie to schrieven över de Deerten vun Meckelnborg-Vörpommern. Man so wiet bin ik gor nich kamen. Wolfgang Kniep hett mi furs inlad’t na Gallin. Un so seeten wi ’n poor Dag later in sien Goorn, över’n Diek weer ’n Koohsteert an’t. Fleegen, un wi hebbt ersmal Tee drunken un schnackt. Jedeen in sien Platt. Na Tass Nr.10 harrn wi de norddüütsche Seele utlücht’t, na Tass Nr.20 weern wi klor. 

Nahsten is ”Knieps Tierleben” in’t Radio kamen. Nich as Spezialsendung up Platt, man twüschen all de annern Reportagen un Bidräg in’t Programm von Radio MV. Denn Hoch- un Nedderdüütsch ward mengeliert bi den Heimatsender för Meckelnborg-Vörpommern, so as dat ok sünst in’t Land is: Mal ward up Hoch, mal up Platt schnackt . 
Nu kann een de Geschichten fein nalesen. Ik frei mi dor bannig över. Man dat is ok wiß: ”Wat den eenen sien Uhl, is den annern sien Nachtigall.”

Schwerin, in’n September 1995 
Rainer Schobeß Redakteur bi Radio MV

Inhalt
Hartcover 96 Seiten 
mit Illustrationen von G. Endlich

 
  Leseprobe