»Sup di duhn un frät di dick, un holl dat Muul von Politik! « So füng mien Bauck »Ströpentied« an, wat ok von Günter Endlich illustriert wür’. Dortaumal wullen wi wohrhaftig de Politik biesiet laten. In dit Bauck sall dat ganz anners sien... Nich, dat ick mi öwer »Trends« in de Marktwirtschaft utlaten will – orrer doch? Jedenfalls nich so ganz mit de Dör in ’t Hus fallen, mihr twüschen de »Zeilen« un doch dörf jedwerein weiten, wat ick von de hütigen Tieden hollen dau (wiel ick de ollen kenn) ahn dat ick mi verbögen mütt. Denn: In mien Öller geiht dat up de Gesundheit, wenn ’n dat Krüz tau krumm möckt. So sall dit Bauck ein Brügg slagen twüschen de ollen un de niegen Tieden.